Gründig
Bis am 29. Juli 2005, am achti z Oobe, luegsch am beschte uf dr Homepage vo dr VKB noche. (www.vkb.ch)
Ab em 29. Juli 2005 am nüüni z Oobe bisch do an dr rächte Adrässe. An däm Frytig im Räbhuus hän sich 19 aggtivi Pfyffer und Dambuure vo dr VKB entschlosse, dr alti Wääg vo dr ältschte Fasnachtsgsellschaft z Basel als Männergligge wyterzgoo. Si hän dorum e neui Grubbierig ins Lääbe gruefe, d «1884 Fasnachtsgesellschaft».
Wie isch das ko?
Im Herbscht nach dr ordentliche Generalversammlig vo dr VKB im 2004, wo beschlosse worde isch, dass die ältischti Gligge z Basel in Zuekunf kai Männergligge meh wird si – also Maitli in die Jungi Garde und ab 2012 au Fraue in Stammverein wott uffnäh – het sich us Mitgliider, wo sich nit mit däre neue Gliggephilosophie hän könne identifiziere, e Grubbe bildet. Die Grubbe het C6 gheisse und het s Ziil ka, dä Entscheid an dr GV 2006 wider rugggängig z mache. Doderzue isch es denn aber nid ko, well an dr GV 2005 dere C6-Grubbe noochglegt worde isch, d VKB z verloh!
Was jetzt?
Am ene erschte Dräffe am 23. Juni isch denn beschlosse worde, zämme öbbis Neus z mache. E Arbetsgrubbe vo 7 Lüt isch bildet worde und die het dr Uffdraag biko, e Konzäpt für die neu Grubbierig z erarbeite und am 29. Juli 2005 z presentiere. In 3 Arbetssitzige und eim Arbetswuchenänd sin also d 1884er – wenigschtens emool uff em Babiir – entstande.
D Gründig
Am 29. Juli 2005 isch es denn sowyt gsi. S Ergäbnis isch vo dr Arbetsgrubbe de C6er presentiert worde. Dr Voorschlaag isch guet aakoo und noch eme dänggwürdige Gründigsaggd im Sääli vom Räbhuus – mit aaschliessendem Wurschtsalaat – isch denn spööter die ganzi Gschicht im Schoofegg no gründlig gfiiirt worde. Irgendwenn zwüsche Mitternacht und halber eins, hett denn die neui Gligge scho die erschte Bassivmitgliider gha und s Schoofegg isch kurzerhand zue dr 1884er Schtammbeiz erkoore worde – und das isch e gueti Waal gsi.
Echo
Am 3. Auguscht het me denn scho uff dr Baslersyte vo dr BaZ könne lääse: «VKBler gründen neue Clique!». Dass das nid uff dr ganze Wält guet aakoo isch, ka sich glaub jeede vorschtelle. Es hett denn druffaabe au no e bitz Schtungg gäh, aber mit däm hänn mir könne lääbe.
Ab em 29. Juli 2005 am nüüni z Oobe bisch do an dr rächte Adrässe. An däm Frytig im Räbhuus hän sich 19 aggtivi Pfyffer und Dambuure vo dr VKB entschlosse, dr alti Wääg vo dr ältschte Fasnachtsgsellschaft z Basel als Männergligge wyterzgoo. Si hän dorum e neui Grubbierig ins Lääbe gruefe, d «1884 Fasnachtsgesellschaft».
Wie isch das ko?
Im Herbscht nach dr ordentliche Generalversammlig vo dr VKB im 2004, wo beschlosse worde isch, dass die ältischti Gligge z Basel in Zuekunf kai Männergligge meh wird si – also Maitli in die Jungi Garde und ab 2012 au Fraue in Stammverein wott uffnäh – het sich us Mitgliider, wo sich nit mit däre neue Gliggephilosophie hän könne identifiziere, e Grubbe bildet. Die Grubbe het C6 gheisse und het s Ziil ka, dä Entscheid an dr GV 2006 wider rugggängig z mache. Doderzue isch es denn aber nid ko, well an dr GV 2005 dere C6-Grubbe noochglegt worde isch, d VKB z verloh!
Was jetzt?
Am ene erschte Dräffe am 23. Juni isch denn beschlosse worde, zämme öbbis Neus z mache. E Arbetsgrubbe vo 7 Lüt isch bildet worde und die het dr Uffdraag biko, e Konzäpt für die neu Grubbierig z erarbeite und am 29. Juli 2005 z presentiere. In 3 Arbetssitzige und eim Arbetswuchenänd sin also d 1884er – wenigschtens emool uff em Babiir – entstande.
D Gründig
Am 29. Juli 2005 isch es denn sowyt gsi. S Ergäbnis isch vo dr Arbetsgrubbe de C6er presentiert worde. Dr Voorschlaag isch guet aakoo und noch eme dänggwürdige Gründigsaggd im Sääli vom Räbhuus – mit aaschliessendem Wurschtsalaat – isch denn spööter die ganzi Gschicht im Schoofegg no gründlig gfiiirt worde. Irgendwenn zwüsche Mitternacht und halber eins, hett denn die neui Gligge scho die erschte Bassivmitgliider gha und s Schoofegg isch kurzerhand zue dr 1884er Schtammbeiz erkoore worde – und das isch e gueti Waal gsi.
Echo
Am 3. Auguscht het me denn scho uff dr Baslersyte vo dr BaZ könne lääse: «VKBler gründen neue Clique!». Dass das nid uff dr ganze Wält guet aakoo isch, ka sich glaub jeede vorschtelle. Es hett denn druffaabe au no e bitz Schtungg gäh, aber mit däm hänn mir könne lääbe.
Vollgaas
Öbbis aaz‘risse isch eins, die Sach denn aber au so duure z‘zie, dass es verhebt e anderi. Do die neue 1884er aber alli scho joorelangi Gliggeerfaarig gha hänn und s Fasnachtmache au nid hänn welle neu erfinde isch dr Wääg zum grosse Ziil – d Fasnacht 2006 – eigendlig e liichti Sach gsi, oder wie dr Franzos sage wurdi: „easy going!“ Am 18. Auguscht isch dr Iebigsbedriib uffgnoh worde. Mir hänn zer Untermieti de Pischtefääger iire Käller dörfe bruuche und dört näbem Iebi au e baar sensationelli Feschter könne baue!
Aagfange hets – zum e bitz Gäld in die neuei Kasse zspiile – mit em 1. 1884er Oggdoberfescht: «O‘zapft isch!». Das Fescht isch so guet aakoo, dass mer das im 2006 und 2007 grad nomool gmacht hänn.
Denn hänn mer is 25 Kopfladäärnli baue loo und 10 Ladäärne-Künschtler aagfrogt, ob si uns 2 oder 3 wurde moole. Die Ladärnli sin so guet worde, dass mer mit de Künschtler grad nomool e Fescht gmacht hänn.
Als Gliggekünschtler isch dr Freddy Ö. us B. zue n is gschtosse. Är hett is au unseri 1884er Schtäggeladäärne gmacht, wo n is immer begleite, wenn mer an dr Fasnacht uff dr Gass sinn.
S hett zämme esoo gfägt, dass es scho fascht unheimlig woorde isch. Syggs dr 1. Wiehnachtsbummel, dr Larvegaschierhögger (högger isch übrigens d Mehrzahl vo Hogg) und denn nadürlig d Fasnacht 2006 im Schnee! Die Fasnacht wird wohl allne 1884er wo denn derby gsi sinn unvergässlig bliibe.
Aagfange hets – zum e bitz Gäld in die neuei Kasse zspiile – mit em 1. 1884er Oggdoberfescht: «O‘zapft isch!». Das Fescht isch so guet aakoo, dass mer das im 2006 und 2007 grad nomool gmacht hänn.
Denn hänn mer is 25 Kopfladäärnli baue loo und 10 Ladäärne-Künschtler aagfrogt, ob si uns 2 oder 3 wurde moole. Die Ladärnli sin so guet worde, dass mer mit de Künschtler grad nomool e Fescht gmacht hänn.
Als Gliggekünschtler isch dr Freddy Ö. us B. zue n is gschtosse. Är hett is au unseri 1884er Schtäggeladäärne gmacht, wo n is immer begleite, wenn mer an dr Fasnacht uff dr Gass sinn.
S hett zämme esoo gfägt, dass es scho fascht unheimlig woorde isch. Syggs dr 1. Wiehnachtsbummel, dr Larvegaschierhögger (högger isch übrigens d Mehrzahl vo Hogg) und denn nadürlig d Fasnacht 2006 im Schnee! Die Fasnacht wird wohl allne 1884er wo denn derby gsi sinn unvergässlig bliibe.
1884er Aggdivideete
Näbem Fasnacht mache isch nadürlig au s Gliggelääbe durchs Joor e wichtige Punggd. im Joor 2006 und 2010 hann d 1884er jewyyls au am Eidg. Drummler- und Pfyfferfescht mitgmacht und beidmool au Räng uusegholt wo me nid verschtegge muess. Näbem Pfyffe und Drummle sinn denn no e baar Feschter baut worde. Usser de Oggdoberfeschter hets au 4 Mool dr legendääri McMalt gäh – e Whisky-Event no mit schottische Spezialitäte – au die Aalööss sin unvergässlich (obwohls schynts e baar git, wo sich kuum könne dra erinnere!). Au d Summerbläusch, s 1884er Männergligge Beach-Volleyballturnier, s Pfadifescht in de Lange Erle und e Wander-Weekend wo sich gwäsche kha hett, hänn s Gliggelääbe bericheret.
Pfyffe, Drummle, Voordraab und s Schoofegg
Zum Iebe dräffe sich immer alli am Tsischtig (1884er Schriibwys nach Mäxe Melches) am 8i. Die erschte 3 Joor sin mer do derfür im Pischtefägerkäller in dr St. Johannsvorstadt 11 gsi. Im Herbscht 2008 hänn mer denn in Hahn in dr Hammerstrooss züglet, syt Herbscht 2010 het s Claraschuelhuus als Iebigsort dient und syt em Herbscht 2018 iebe mir im Sääli vo dr Riehentorhalle, wo mir jewyyls noch em D&P aabe eine göhn go näh. Drotzdäm ziehts drnoch immer baar vo uns wyter ins Schoofegg, wo syt Aafang unseri Stammbeiz isch und wo mer am Morgeschtraich au ablaufe.
Pfyffe, Drummle, Voordraab und s Schoofegg
Zum Iebe dräffe sich immer alli am Tsischtig (1884er Schriibwys nach Mäxe Melches) am 8i. Die erschte 3 Joor sin mer do derfür im Pischtefägerkäller in dr St. Johannsvorstadt 11 gsi. Im Herbscht 2008 hänn mer denn in Hahn in dr Hammerstrooss züglet, syt Herbscht 2010 het s Claraschuelhuus als Iebigsort dient und syt em Herbscht 2018 iebe mir im Sääli vo dr Riehentorhalle, wo mir jewyyls noch em D&P aabe eine göhn go näh. Drotzdäm ziehts drnoch immer baar vo uns wyter ins Schoofegg, wo syt Aafang unseri Stammbeiz isch und wo mer am Morgeschtraich au ablaufe.